前世緣份 。。。福元

福元和我緣起於10年前, 當時小妹傻下傻下過海返工, 梗係開心

 

到飛起, 點解……係因為我終於可以離開九龍做個香港區既白

 

領。

後來先知當上香港區白領其實都唔係好威水, 咪一樣著牛記返

 

工。

妖 ~ 原來我唔係返中環 !

不過返北角既優點係, 好多又平又正既野食。

 

福元係我熟悉的老朋友, 我記得中午放飯時經過往往被它的煲

 

紅豆沙香味吸引著。

我對紅豆沙有一份情義結, 就像前世的緣份一樣。

媽咪話比我知, 我仲係寶寶個時, 唔食粥水要食糖水 ..... 紅豆沙,

 

但當時我只可以飲紅豆水, 因為媽咪怕我會被紅豆哽死。

所以我相信福元和我也有同樣的緣份。

數十年後角色大兜亂, 我現在是香港人, 公司係九龍。

但長情的我對福元還是念念不忘。

今晚心緒不寧, 我真係好需要人既支持。

又唔想同人傾, 於是在街上遊蕩直至再度重遇它。

感覺就如被我遇上一位我好掛住既老朋友一樣, 我有千言萬語

 

要和他分享。

以前我每次來只會叫兩種糖水 。

 我和他通常一人叫一款糖水然後MAX食, 撈下撈下, 玩乜都好

 

開心。

依家好多野好易得到, 返而唔易開心。

今晚我只可以食一款糖水, 所以我點了  “紅豆沙加湯丸”

對我而言紅豆沙是這裡的名物, 除左我自己煲既紅豆沙之外, 真

 

係未食過比這裡煲得更出色。

原因只有兩個, 煲糖水從來只講用料同心機。

它們用上天津紅豆一定無得輸, 而天津紅豆顏色更艷更紅, 將紅

 

豆紅豆呈現半溶而鬆化, 往往需要二小時以上。

紅豆和蓮子煮至合而為一的化境, 真係小啲心機都唔得,

 

其實紅豆本身係有自己既味道, 所以要細味那紅豆沙的真味

 

。如果你當佢係一碗普通紅豆沙我會話你唔識貨, 你都係去食

 

返湯丸算鬼數。

 

到左食湯丸, 我已經忘記左原來有三粒。

湯丸皮如常軟糯, 由於芝麻餡加了豬油, 所以一咬即流心

而且係極度澎湃嗰隻, 可以想想一口吃左幾多啖油。

其實我唔怕肥又唔怕哽死, 所以原粒吃, 我鍾意將啲軟淋淋既野

 

塞入咀既感覺, 好實在, 好滿足! 相信好多姊妹都應同

其實咁多年來福元賣既糖水價錢唔係升左好多, 老闆亦是同一

 

人, 味道亦無變過 

變既只係今晚我和自己對話 。

**************

福元湯圓 Fook Yuen

北角炮台山福元街7號利都樓地下I-1舖