2015 生日宴。。。給我遇上妳 @ Cova Pasticceria & Confetteria

 

一年一度生日月開始, 響頭炮先為小妹慶生的當然留給最愛的閨密。
識左這位好友三年, 響呢三年內也她最先為我慶生之人。
三年前緣份把我們連繫在一起, 我絕對會珍惜的。
女生聚會一般都是高茶, Buffet 之類, 食物反而未至於放在位。
而最重要地方夠Grand坐得舒服等。
Cova 雖稱不上頂級, 但當然也相信不錯吧。
好友帶小妹去吃 Sunday Lunch Buffet, 真是開心都黎唔切。
我們大約一點鐘就坐, 餐廳內只有幾枱客人, 太好了。
我們可以放慢腳步食下, 傾下, 自拍下。做人有時就是可以簡單得如此。
餐廳大約有30-40 個位, 地方寬敞舒適, 店內中央部份則是放食物地方。
枱上的食物放得很雅緻。分類很清楚。
種類唔會太小, 由湯, 冷盤, 沙律, ,主菜到甜品也一應俱全。
先遞上幾款麵包, 小妹喜歡充斥著牛酒味酥皮條, 脆卜卜會令人食到停唔到口。

吃過麵包後隨即進入作戰狀態。
哈哈~ 其實小妹唔算係金魚肚, 跟本食小小又話飽 (除左一些心頭好)

先從頭盤開始, 每樣試一點, 比較喜歡煙三文魚和火腿等。
蝴蝶粉質感偏硬, 反而炒洋蔥軟腍香甜, 味道唔錯。

主菜有兩款選擇 Roasted Beef 和 Codfish with Tomato sauce

小妹是魚痴所以選了後者, 而且對啖啖肉的魚類更加情有獨中。
鱈魚油份較重, 所以特別軟滑較入口即溶, 配埋新鮮打成蕃茄蓉絕對是
錦上添花。而蛋餅又凍又硬, 幾難食 ~
終於到了小妹最最最期待的甜品巴時間。
只可惜當日有二款蛋糕, 分別是杧果拿破崙和杧果蛋糕。
上天就是愛這樣捉弄人, 注定是日的甜品與我無緣。
好彩小妹是先知, 預先KEEP 起幾粒小甜點。

有栗子撻, 朱古力撻, 開心果撻和 Tiramisu 撻等
各款味道不相伯仲, 可以話無邊款特別好味, 但如要數較為特出的一定是開心果撻。開心果香濃郁, 苦中帶甘, 質感也挺幼滑的。
最後一杯心形拉花Cappuccino 夠我們再傾多一個鐘 。

感恩你出現在我的生命中, 謝謝妳

 

 

***************

 

                    

尖沙咀廣東道17號海港城海洋中心1樓116A & B號舖