港女的白日夢 。。。

 

 

相信貴為港女既姊妹們都曾經想過有朝一日會嫁入豪門做個幸

 

福美滿的少奶奶。

但是身經百戰後方發現歲月是最無情的，當希望越來越渺茫，

 

夢想亦吾可以當飯食, 為有面對現實為有努力工作，每天同一

 

班成身大汗嘅麻甩佬一齊迫巴士。

我為左令自己心理平衡一下，決定扮一天偽名媛。

於是我放自己一天假，訓到自然醒後，妝都吾化帶副太陽眼鏡

 

就來了銅鑼灣lady M 新店, 以蛋糕當早餐。

名媛從來吾需要排隊，所以我優雅地獨佔一張雙人枱。老老實

 

實我覺得空間感好一般，坐隔離枱個男人好似同我撐緊枱腳

 

咁 ...... 我真系吾系好慣囉。

於是我戴返副反光超，廢事比狗仔影到會亂寫。

店員為我送上清水一杯後, 我隨之看了餐牌一片，原來除了名

 

媛蛋糕外還有數款ar la carte供應。

早餐我唔會空肚食, 於是點了一件 朱古力千層蛋糕 $75 墊下肚

 

皮。鏡頭一轉我的美點已送上到面前, 我還以為賣成 $84 (連加

 

一) 既蛋糕會裝飾得靚靚比客人, 點知令人大失所望, 白色碟上

 

奕上蛋糕亦沒有任何裝飾伴碟。

賣相方面和相片幾乎是倒模一樣，我冇刻意去數有幾多層次，

賣相十分工整, 朱古力忌廉和可麗餅一層層地重疊, Layer厚度

 

平均得過份, 亦十分堅挺。可麗餅富朱古力香亦同時吃到蛋香,

 

相當不俗。

餅皮富柔軟中略帶煙靱。朱古力忌廉份量軽而薄，連怕吃忌廉

 

既我都可以大大啖咁食。

別以為朱古力一定好甜好膩, 原來唔溜之餘還富牛奶香滑。整

 

體是水準之上。

這個名媛美點足夠令我回味一天。

 

 

 

**********

Lady M

銅鑼灣Fashion Walk加寧街1-3號地下C舖