必食土炮。。。瑞士雞肶餐

 

聽講北角區有間隱世茶餐廳, 名物是瑞士雞肶, 唔係雞肶粉絲既

 

我突然都想來潮聖一下

地點唔難搵, 出左港鐵行幾分鐘就到。

晚上未夠七點已經坐到插針一樣, 好彩我一個人點插都插到個

 

位坐。

一張餐牌兩大頁, 套餐太多, 看得人眼花撩亂

有啲睇唔明, 想問多阿姐兩句都比佢串, 都係自己慢慢再睇。

但係越睇越亂, 唔敢再勞煩惡阿姐, 都係叫哥哥仔幫我會好啲。

果然哥哥仔比較有耐性, 講野又唔粗魯, 對住熟客有講有笑。

我點了瑞士雞肶餐加豬頸肉野菌飯 $37 加紅豆冰 (+$2)

差不多每張枱都有雞肶, 而我都唔執輸。

哥哥仔將一隻單點雞肶放係我面前。

瑞士汁將雞肶完全封鎖, 顏色好深近乎黑, 帶點黏性,

滷水香料味重, 有甘草和八角芳香,

甜度比單純瑞士汁低, 濃而不咸。

雞肶肉質嫩滑, 一撕即開, 一邊食一邊蘸瑞士汁食, 超Yummy !

迷你SIZE豬頸肉野菌飯吉賣相唔吸引, 但豬頸肉爽口不油膩帶

 

點脆口

除了野菌還有四季豆, 再撈埋瑞士汁食, 一滴都唔會浪費。

食雞肶點會小得紅豆冰, 而且加$2 係堅抵飲。

但紅豆幾硬, 味道就麻麻。

呢餐又平又好味, 為了瑞士雞肶下次必再來。

 

**************

 

祥發茶餐小廚

北角七姊妹道27D號地舖