上個月的網頁瀏覽數次數

2013年9月15日 星期日

經典潮洲菜 (上回) @ 百樂酒家


首先非常感謝公關為我們細心安排了是晚"沒有潮州怒漢"
的潮州晚宴。。大家更是盡興而歸

涼菜

涼伴魚皮: 曾經聽媽咪講食生鯇魚皮會生蟲 …?! 所以小妹都只係食過一次。
今晚估唔到有機會係百樂試到.
 一片片鯇魚皮經清潔去鱗厚切的繁複工序後再灼熟,加以冷藏,再伴以麻油、薑蔥、芫茜等作調味, 魚皮的口感頓時變得爽脆非常,而且一點魚腥味有沒有。從前有點抗拒魚皮的我, 直頭係食到停唔到口 。 


金鐘雞亦唔係會係好多地方食到既金鐘雞賣相別緻,呈金鐘形且帶點晶螢的香檳金色。制法與上海菜食到的肴肉大同小義,加 入了芫茜和杞子放進香濃的高湯裡,冷藏成為啫喱狀便成。我會將金鐘雞整粒送到口內, 第一個感覺就是入口清涼,繼而就會慢慢感受到高湯的鮮甜, 而雞肉絲、芫茜和杞子亦配合得宜,無論賣相和口味都是非常吸引。



醃螄蚶小妹從未食過螄蚶, 同大部份無勇氣去試既人一樣, 原因是當打開外殼時會有"血水"流出 …
但經公關們講解了她們的做法後, 就略為放心。 大廚會將生螄蚶用蒜頭、椒絲、生抽等去醃製和殺箘。當小妹打開外殼時"血水"頓時流出, 為分散注意力,只看著螄蚶肉, 其飽滿鮮嫩的螄蚶肉配合醃製的醬汁味道頗為鮮甜, 食一口螄蚶後再食一粒蒜頭, 頓時更安心。






主菜

滷水併盆
整個併盤陣容頗為強勁, 分別有鵝肉連骨、豆腐、蛋、豬耳仔、滷水鵝肝等。
但小妹只吃了其中的豆腐和豬耳仔, 豆腐看似是配角但絕對是扮演著重要的一角.
當豆腐吸收了鹵水汁後, 絕對美味百倍而豬耳仔則爽脆可口。



白烚凍花蟹

貴價潮州凍蟹, 大廚會小心翼翼地花蟹烚熟, 而過程中沒有斷腳甩爪,整隻蟹依然完整無缺,蟹肉原味得以保存。而小妹吃了最喜愛的蟹蚶部份, 肉質是雪白, 肉厚而扎實,滿口鮮味, 果然是名菜。


荷蘭煙鱔
鱔切成薄片, 加以煙燻配上黑椒調味, 去除了魚腥味, 肉質肥美而爽口, 油份亦恰到好處, 輕輕透出, 簡單而好吃。

[請看下篇]

沒有留言:

張貼留言