尋回。。。難以忘懷紅豆冰 @ 金記冰室

 

小妹對於冰室/茶餐廳等一向鍾愛, 有些付有出爐麵包供應, 引得小妹會經常光顧, 最常出沒分別

有南龍和祥香等。
小妹一向不怕一條冷流連於這些麻甩佬埸, 今晚多兩位朋友一齊去到西營盤 [金記冰室] 就更加

開心 。冰室此於1967年筲箕灣開業, 現在遷移到西營盤。

一行三人各自點了喜歡的食物, 再大家分享。

每次來到茶記飲品方面必飲通常只有奶茶或紅豆冰

 

 

晚上唔飲得奶茶所以今晚選了[紅豆冰], 認真地用上高身闊口冰杯是常識, 但是沒有泡冰取而代

之是正常大冰粒。先試一口奶水, 外間有很多茶餐廳會開到花奶淡某某, 飲幾啖已經唔想再飲,

金記則花奶下得足所以挺濃郁香滑, 再試最愛紅豆粒。

粒粒棉蜜之餘咬到紅豆是原粒的, 還有點起沙, 甜度亦剛好。

高質素紅豆冰, 必飲。

 

聽說羅宋湯是這裡名物, 也來一試吧。

這裡用料十足分, 用上大量不同蔬菜, 牛肉粒等

質感較為濃調, 相信是用上大量蓄茄膏所至, 味道方面有點過酸,

辣味和甜味也平衡得幾好。

 

碟頭咖哩飯一碟都不能小, 點 [咖哩牛腩飯] 可知冰室的質素去到邊。
一上枱已聞到咖哩香味撲鼻, 引得小妹急不及待大羹大羹咁秒殺咖哩汁。
口味較為貼近馬來西亞口味, 但辣味是慢慢地提升, 非常惹味。
無得傾送飯是一流, 好味到牛腩也可以忘掉, 但無論如何也吃上了一
大件鬆化入味牛腩。 水準拍得住以前翠X的出品 。

 

 

香煎美利堅雞扒鐵板餐: 小妹有很多很多年也沒有吃過鐵板餐, 今日興之所至朋友點了一份, 小

妹開心可以影下相, 大家對伙記把黑椒汁倒下那一殺也表現得那十分雀躍。
咋咋聲過後將雞扒切成細份, 唔知呢個 [美利堅雞扒] 個名點游來, 但應該只係普通雞扒, 由於黑

椒味太搶亦可以蓋過雞的雪味, 但大部份薯條已經腍晒, 有點失望 。

 

最後朋友再加追 [黑椒牛肉炒意粉] , 以“哽哽地”既黑椒汁炒出更富茶餐廳味道, 而且鑊氣十

足。看賣相已知道交足功課。
看似油光閃閃, 油下得狠啊。牛肉片是大大塊, 但略嫌醃得重手, 肉質失去了應有咬口。

 

 

題外話/補充資料：

食物整體是水準平均, 價錢也合理, 有機會經過一定會再來。