只在乎曾經擁有 @悅鰭

今晚好友請客, 讓小妹見識一下靚靚壽司點樣食
小妹當然要珍而重之準時到達餐廳
先和大廚盧師傅打個招呼, 繼面坐定定等美食。

 

首先來一瓶銀色樽的日本清酒「罐狀山源酒」$680

出奇地比一般的清酒更順喉, 易喝, 感覺酒精濃度比實際低, 但實際達18%,

就連一向不愛清酒的小妹也巳喝了幾小杯。

這次再來是多得盧師傅的熱情招待，今次師傅先推介了。

 

免費奉送給客人的前菜[涼伴蔬菜], [炸三文魚皮] 等。

雖然三文魚皮是炸但一點也不油膩, 脆卜卜, 感覺食緊薯片一樣

 

冷盤分別有[飯八爪魚] $100, [福岡番茄]$55

飯八爪魚本來就是一隻Q 板的八爪魚, 大廚以特制醬油把Q 板的八爪魚煮熟, 但八爪魚時間要

 

掌握得準確, 一不留神Q 板的八爪魚便會變成韌過橡膠 。

八爪魚保留應有嚼勁而且有清清的醬油香, 小妹怕頂胃, 還是小食多滋味。

另一小食福岡番茄仔賣相跟一般的蓄茄無異, 但出奇地甜美, 口感冰冰凍凍感,

還可以過濾一下口腔, 繼而迎接那期待以久的壽司。

壽司時間起動了

 

先來[白蝦軍艦壽司]$70/件

白蝦來自富山灣，還以為蝦肉經過加工變成細條, 後來得大廚講解後方知每條白蝦的真身就是

 

這樣雪白而幼細, 但口感帶點煙韌有別於一般的甜蝦, 吃時不須點豉油. 就感受它的自然鮮味。

 

[三文魚籽軍艦]$70/件，對小妹之言簡單直接地就是覺得它賣相夠 [矜貴]

三文魚籽多到滿瀉, 付上金色匙方便一啖啖送入小咀內。

魚籽橙中帶金, 更重要是沒有腥味, 口感似食緊爆炸糖咁粒粒在口腔內爆出來。

小妹還未捨得付 $150 吃一件壽司, 呢餐絕對有食神, 可以吃到 $150一件

[馬糞海膽軍艦] 老實說從不喜歡海膽, 但賣得呢個價錢就梗係比好野客人吃。

海膽靚得原整無缺, 又肥又厚身 一放入口就不得了, 前奏海水味, 繼而鮮甜味, 最後回甘。絕對

令小妹驚喜萬分。終於明白乜野叫 “返唔到轉頭” 。

 

[火灼三文魚腩壽司] $40/件

以火灼形式略為迫出三文魚腩的油脂，更凸出了魚油香, 魚皮微焦, 但卻保留了嫩滑肉質, 喜歡

 

那甜味醬油。是小妹常吃的一款壽司。

 

最後以[柚子、綠茶雪糕] 完結, 不得不嚐那柚子雪芭 。

品嚐了貴精不貴多的壽司宴。再一次感謝大廚盧師傅和老友請客。