港味泰菜 @ 泰尚

泰菜係西環區唔算多, 數數手指得幾間,
今日朋友介紹一間聲稱唔錯既泰國菜, 就黎一餐 Lunch Dinner, 時間差唔多十點, 仲有幾枱客人, 不過老闆娘已經迫緊我地落單.

紅咖哩牛肉, 椰奶下得過份重手,  辣度是不足的, 牛肉還有點o趙頭亦有牛味. 牛肉唔係好多片, 但蔬菜就好多.   

原個椰青焗海鮮飯, 唔講都唔信係焗飯, 飯粒比蒸飯還要濕, 係咪趕收工唔得閒焗先 ? 

泰式燒雞, 雞先炸過, 再以大量的蒜粒, 檸檬草同炒確實香口, 雞肉亦不算鞋口, 只是有點過咸.

 

總括: 食物, 服務也一般 , 價錢平均 $130/ head