逃離旺角森林

一向對旺角又愛又恨，愛的當然是敗家勝地，恨的是人多到冇朋友。
本來小妹一心想潮拜的是 The Luxe Seafood 但正因為不設下午茶時段以致白走一趟。

但由於人流太多實在令我更加煩燥。突然腦海一閃過Pokka 的影子，以九秒丸腳步殺過去。。。殊不知又冇左，只好望下水牌有冇其他寧靜的餐廳。oh... 再發現原來Pokka Cafe 只是搬左上二樓。

 

當小妹進入餐廳的一刻，感覺店內環境非常豪華，大型水晶吊燈實在令小妹眼前一亮 。
一個人進餐可以隨意地hea 在沙化上，再看看餐牌點了一份下午茶餐。

 

 

當時都頗肚餓幸好約等了十分鐘左右我的溫泉蛋雞柳忌廉汁意粉已上檯。溫泉蛋煮得好靚，以叉子輕輕一按蛋黃巳慢慢地流出來，與比較稀的忌廉汁混合一起反而變成平衡，意粉保留恰到好處的咬口，如露荀可以再煮熟一點更好。

 

 

小妹習慣飲品是留待最後慢慢享用。另加了$28 的  cappuccino 拉花不夠美, 泡泡亦不太挺身。咖啡偏苦帶微酸，非小妹杯茶。但無論如何在這套精緻的餐具襯托下，實在令人賞心悅目。
雖然食物還有改進空間但無論服務，價錢也是合格有餘的。